قصيدة باللهجة العامية المحكية ...
بعنوان إسمك يا شام ... بقلمي ...
......................................
رح إكتب إسمك يا شام
ع النجمات الماسية
تا تضوي علينا بهالليل
بأنوارا البهية
وبكتب اسمك ع الغيمات
تا ترش علينا المية
وتملى الدني بالأمطار
وتغمرنا بالحنية
.....................
رح إكتب إسمك يا شام
عالسهل وعلى الوادي
تا تزهر عنا الأحلام
ويزيد جمال بلادي
شام المحبة يا ناس
جوابقلبي وفؤادي
غالية وما بيغلا عليها
حتى أهلي وأولادي
......................
رح يبقى حبك يا شام
عم ينبض بوريدي
وإسمك رح يبقى عنوان
مكتوب ع جبيني وإيدي
شامتنا يا أحلى شام
يلي بحسنا فريدة
رح سمي بإسمك ديوان
واكتبلك أحلى قصيدة
.......................................
ملك الأصفر
ليست هناك تعليقات:
إرسال تعليق