هذه أغنية كنت قد كتبتها من سنوات طوال
وشاء الله أن ترى النور هنا
فلسطين هي القضية التي رضعناها منذ البدء
***********************************
لأ مش صراخ يابلادي
دا لحن باسمك شادي
غمر الطوفان الوادي
ع المركبة و بنادي
بترد ليه يا صدى ؟
بعدت ليه يا مدى ؟
بتحلم أني أتوه ...
ما قولش دي بلادي
مهما علا بحر الجروح
الحزن ريح وياه ماروح
صامد قصادك يا طوفان
ح الاقي مركب والاقي نوح
..............................
وقف التاريخ شاهد
على روحي بتشاهد
غرست قلبي ف أرضها
باس كفها و اتعاهد
والله تفوت مليون سنة
والله يموت ملايين أنا
قلبي بيطرح نور أمل
على ضيه ح نجاهد
مهما علا بحر الجروح
الحزن ريح وياه ماروح
صامد قصادك يا طوفان
ح الاقي مركب والاقي نوح
.............................
شوفي الجذور يا بذور
عجل الزمان بيدور
البذرة بذرة يأس
والنبتة طرحت بأس
وهم الضلال كداب
وحلمه زيف وسراب
والحق لو يوم غاب
عارف طريقه النور
مهما علا بحر الجروح
الحزن ريح وياه ماروح
صامد قصادك يا طوفان
ح الاقي مركب و الاقي نوح ،،،
_______________________________
ليست هناك تعليقات:
إرسال تعليق